ᓇᓇᑲᒋᒋᑫᐃᐧᐣ ᐅᐣᒋ ᑲᑮᓑᑲᐧᐱᒪᑎᓯᐨ ᒨᓯᐢ ᐋᒥᐠ

ᒪᓑᑭᑮᐃᐧᓂᓂ ᒪᔾᑯᓬ ᐃᐧᓬᓴᐣ, ᑎᐯᐣᒋᑫᐃᐧᐣ ᑲᓃᑲᓂᓑᑲᐣᐠ ᓇᓇᑲᒋᒋᑫᐃᐧᓇᐣ ᐅᐁᐧᑎ ᑮᐁᐧᑎᓄᐣᐠ ᑎᐯᐣᒋᑫᐃᐧᓂᐣᐠ, ᑕᐣᑐᕒ ᐯ ᐅᔑᐲᐦᐃᑫᐃᐧᑲᒥᑯᐣᐠ,ᐅᑮᐃᐧᐣᑕᓇᐊᐧ ᑮᔑᑲᐣ ᑫᐃᔑ ᒫᒋᑕᓂᐊᐧᐣᐠ ᐁᑮᐅᓇᑌᐠ ᓇᓇᑲᒋᒋᑫᐃᐧᐣ ᐅᐣᒋ ᑲᑮᓑᑲᐧᐱᒪᑎᓯᐨ ᒨᓯᐢ ᐋᒥᐠ.

ᒨᓯᐢ ᐋᒥᐠ, 56, ᑮᓑᑲᐧᐱᒪᑎᓯᐸᐣ ᐃᐦᐃᒪ ᐋᐦᑯᓰᐃᐧᑲᒥᑯᐣᐠ ᒣᑲᐧᐨ ᑮᔐᐃᐧ ᑮᓯᐢ 13, 2017, ᐁᐃᓑᑲᐧ ᐊᐣᒋᐃᐧᓇᑲᓀᐨ ᐃᐦᐃᒪ ᑕᐣᑐᕒ ᐯ ᑕᑯᓂᑏᐃᐧᑲᒥᑯᐣᐠ. ᐃᐦᐃᐁᐧ ᓇᓇᑲᒋᒋᑫᐃᐧᐣ ᐅᐣᒋ ᑲᑮᓑᑲᐧᐱᒪᑎᓯᐨ ᐃᓇᑌ ᐃᓇᑯᓂᑫᐃᐧᐣ ᒋᑐᒋᑲᑌᐠ ᑲᐃᓇᑌᐠ ᐃᐦᐃᒪ ᐆᓇᓇᑲᒋᒋᑫ ᐃᓇᑯᓂᑫᐃᐧᓂᐣᐠ.

ᐃᐦᐃᐁᐧ ᓇᓇᑲᒋᒋᑫᐃᐧᐣ ᑕᓇᑲᒋᒋᑲᑌ ᑲᑮᔑᐁᐧᐸᐠ ᐅᐣᒋ ᒨᓯᐢ ᑲᑮ ᐃᓑᑲᐧᐱᒪᑎᓯᐨ. ᑫᐱᓯᐣᑕᒧᐊᐧᐨ ᑕᐃᓯᓭᓂ ᒋᑭᐸᑭᑎᓇᒧᐊᐧᐨ ᐃᑭᑐᐃᐧᓇᐣ ᒋᔑᐃᐧᐣᒋᑲᑌᐠ ᐁᑲ ᓂᑲᓂᐣᐠ ᒦᓇᐊᐧ ᒋᔑᐁᐧᐸᐠ ᐃᓑᑲᐧᐱᒪᑎᓰᐃᐧᓇᐣ ᐃᓯᓭᑭᐣ ᐅᐦᐅᐁᐧ ᑲᑭᓯᓭᐠ.

ᐅᐦᐅᐁᐧ ᓇᓇᑲᒋᒋᑫᐃᐧᐣ ᐃᓀᐣᒋᑲᑌᐠ ᒥᓂᑯᐠ 20 ᑕᓱᑮᔑᑲ ᒦᓇ ᒋᐱᓯᐣᑕᐊᐧᑲᓀᐊᐧᐨ ᒥᓂᑯᐠ 32 ᑕᓰᐣ ᐊᐄᐧᔭᐠ.

ᐃᐦᐃᐁᐧ ᓇᓇᑲᒋᒋᑫᐃᐧᐣ ᑕᒫᒋᑕᓂᐊᐧᐣ 10 ᑮᔐᐸᔭᐠ ᒣᑲᐧᐨ ᓂᑳᑮᓯᐢ 17, 2023, ᐃᐦᐃᒪ 189 Red River Rd., ᑲᐃᔑᐱᒥᓴᑲᐠ ᑲᐅᐣᒋᐲᐣᑎᑲᓂᐊᐧᐣᐠ, ᑕᐣᑐᕒ ᐯ. ᒪᓑᑭᑮᐃᐧᓂᓂ ᓬᐅᐄᐧᐢ ᒪᐠᓈᑎᐣᐨᐱᓬᐄᐊᐣ ᐅᑳ ᐊᐲᑕᐣ ᒋᓇᑭᒪᑲᓀᐨ ᓇᓇᑲᒋᒋᑫ ᔑᒪᑲᓂᓑ. ᒍᓬᐄᐊᐣ ᕒᐋᔾ ᒦᓇ ᕒᐋᐳᕒᐟ ᑯᓴᐠ ᑕᐃᓇᑭᒪᐊᐧᐠ ᓇᓇᑲᒋᒋᑫ ᐆᑕᔭᒦᑕᒪᑫᐠ.