ᓇᓇᐣᑐᑭᑫᐣᒋᑫᐏᐣ ᐅᐣᒋ ᑲᑮ ᐃᓑᑿᐱᒪᑎᓯᐨ ᔓᕒᒪᐣ ᑭᕒᐲ ᑷᓰᐢ

ᐊᐦᐊᐍ ᑷᓰᐢ, 35 ᑭᑕᓱᐱᐴᓀ, ᑮᓑᑿᐱᒪᑎᓯ ᐃᒪ ᐊᐦᑯᓰᐏᑲᒥᑯᐣᐠ ᒣᑿᐨ ᒍᐣ 4, 2012, ᐁᑮᐅᐣᒋ ᒪᒌᐸᐦᐊᑲᓀᐨ ᐃᒪᓀᑫ ᑕᐣᑐᕒ ᐯ ᑕᑯᓂᑫᐏᑲᒥᑯᐣᐠ. ᐅᐍ ᓇᓇᐣᑐᑭᑫᐣᒋᑫᐏᐣ ᑲᑮᐅᐣᒋ ᐃᓑᑿᐱᒪᑎᓯᐨ ᐃᓇᑌ ᐃᓇᑯᓂᑫᐏᐣ ᒋᑐᒋᑲᑌᐠ ᐊᐍ ᑲᓇᑲᒋᐦᐊᐨ ᑲᐃᓑᑿᐱᒪᑎᓯᓂᐨ ᐃᓇᑯᓂᑫᐏᐣ.

ᐅᐍ ᓇᓇᑲᒋᒋᑫᐏᐣ ᐅᑲᓇᑲᒋᑐᓇᐘ ᐃᐍ ᑲᑮᓯᓭᐠ ᐊᐍ ᑷᓰᐢ ᑲᑮ ᐃᓑᑿᐱᒪᑎᓯᐨ. ᐃᑭᐍᓂᐘᐠ ᑲᐱᓯᐣᑕᒧᐘᐨ ᐃᓯᓭᓂ ᒋᐸᑭᑎᓇᒧᐘᐨ ᐃᑭᑐᐏᓇᐣ ᒋᓇᑲᒋᒋᑲᑌᐠ ᐁᑲ ᒥᓇᐘ ᒋᓯᓭᐠ.

ᐅᐍ ᓇᓇᑲᒋᒋᑫᐏᐣ ᐃᓀᐣᒋᑲᑌᐠ ᒥᓂᑯᐠ 15 ᑕᓱᑮᔑᑲ ᒦᓇ ᒋᓄᐣᑕᐘᑲᓀᐘᐨ 19 ᑫᑎᐸᒋᒧᐘᐨ.

ᐅᐍ ᓇᓇᑲᒋᒋᑫᐏᐣ ᑕᒪᒋᒋᑲᑌ 9:30 ᑭᔐᐸᔭᐠ ᐅᓑᑭᑮᔑᑲᐠ ᐯᐳᐍᕒᐄ 24, 2025. ᒪᓑᑭᑮᐏᓂᓂ ᑌᐱᐟ ᐄᑌᐣ ᐅᑲᓃᑲᓂᓑᑲᐣ ᒦᓇ ᑌᐱᐟ ᑯᕒᐠ ᐅᑲ ᐊᔭᒦᑑᐣ.

ᐊᐘᔑᒣ ᐑᐣᑕᒪᑫᐏᐣ

ᐊᐦᐊᐍ ᑲᓃᑲᓂᓑᑲᐣᐠ ᐃᑭᑐ ᐁᑲ ᐋᐑᔭ ᒋᐲᐣᑕᐍᓯᒋᑫᐨ ᑲᔦᒪ ᐁᑲ ᒋᒪᐣᓯᓇᑭᓯᑫᐨ ᑲᔦᒪ ᒋᒪᐣᓯᓇᑭᓴᐣᐠ ᐅᐍᓂ ᓇᓇᑲᒋᒋᑫᐏᐣ ᒣᑿᐨ ᒪᐣᓯᓇᑌᓭᐠ ᑲᔦᒪ ᐲᐘᐱᑯᐣᐠ ᑲᒪᐣᓯᓇᑌᓭᐠ. ᐊᐘᔑᒣ ᒋᓂᓯᑐᑕᒪᐣ, ᑲᐏᐣ ᐋᐑᔭ ᐅᑲᓇᐸᐸᐣᑕᓰᐣ, ᒋᐲᐣᑕᐍᓯᑐᐨ, ᒋᒪᐣᓯᓇᑭᓴᐣᐠ, ᒋᒐᑲᑌᓯᑐᐨ, ᒋᐅᔑᐲᐦᐊᐣᐠ ᑲᔦᒪ ᒋᔕᐻᐊᑌᓯᑐᐨ ᐅᐍ ᓇᓇᑲᒋᒋᑫᐏᐣ ᑲᔦᒪ ᐯᐯᐣᑮ ᒋᐅᑕᐱᓇᐣᐠ, ᑲᔦᒪ ᑲᔦ ᐁᑲ ᒋᐸᐸᒪᒋᒧᐨ ᑲᐲᐣᑕᐍᓯᒋᑫᐨ, ᐃᒪᓀᑫ ᑲᔦ ᐲᐘᐱᑯᐣᐠ ᑲᐅᐣᒋ ᐊᔭᒥᐦᐃᑎᓇᓂᐘᐣᐠ, ᐲᐘᐱᑯ ᐊᐸᒋᒋᑲᓇᐣ, ᑲᔦᒪ ᑯᑕᑮᔭᐣ ᐲᐘᐱᑯᐣᐠ ᑲᐃᔑᐊᒋᑲᓂᐘᐠ, ᒦᓇ/ᑲᔦᒪ ᑯᑕᑮᔭᐣ ᐲᐘᐱᑯ ᐊᐸᒋᒋᑲᓇᐣ.